Situata që solli humbja e thellë e demokratëve në zgjedhjet e fundit, thellon më tej dilemat e mënyrës së ribashkimit brenda dy copëzimeve të partisë më të madhe opozitare në vend.
Politologu Ilir Kalemaj në studion e “MCN live”, analizoi faktin se çfarë solli deri te kjo situatë dhe mënyrën se cili nga fraksionet duhet të bëj një hap prapa për të mirën e PD-së.
“Gjithë çfarë mendojnë njerëzit e thjeshtë ne atë parti, apo edhe ata që janë pjesë e elitës drejtuese, nuk ka rendësi. Aty ka rëndësi çfarë mendojnë 3-4 veta. Nga ana e z.Berisha, ka fare pak diskutim, për të mos thënë fare, i vetmi diskutim është se çfarë do të bëhet me Partinë e Lirisë, një pjesë thotë që duhet shkëputur marrëdhëniet me PL, dhe një pjesë që thotë duhet të vazhdohet me të.
Ky është i vetmi debat që po bëhet. Krejt e kundërt është situata në kampin tjetër opozitar. Ne kemi qaty qartazi dy drejtime, një drejtim kërkonte aty senergji që të dilnin me kandidatë, Alibeaj dhe Bejko dhe një drejtim i përfaqësuara nga dyshja Tabaku e Bardhi të cilët pranuan vetëm kompromis me 14 kandidatë dhe nuk dolën fare në fushatë, duke tentuar të luanin me dy porta në funksion të karrierës personale të secilit, por në rastin konkret nuk i bën mirë shëndetit të partisë.
Ata duhet të marrin në fund një vendimmarrje dhe ajo është të çojnë vulën te Sali Berisha apo të bëjnë që Sali Berisha të bëj një hap pas te Rithemelimi ti bashkohet partisë zyrtare dhe të organizohet zgjedhjet të reja të gjithë pranuara përmes një komisioni drejtues i cili të përbehet nga të moderuar nga të dy kampet, dhe kryetari i ardhshëm i zgjedhur me votën e të dy palëve pasi të kemi verifikim të listave, ai të jetë kryetar legjitim i kësaj force të re demokratike“, tha fillimisht Kalemaj.
Për Kalemaj, të gjithë pa përjashtim po luajnë për pushtet dhe interesat e tyre meskine për mbijetesë politike. Sipas tij, nëse nuk ndodh ky bashkim deri në zgjedhjet e ardhshme parlamentare, vendi rrezikon të mbetet pa opozitë dhe partia do të ndahet e fragmentarizohet.
“Të gjithë irracional janë këta, po luajnë për pushtet. Por ka disa rregulla, që të gjejmë një mes të artë të gjejmë kompromisin, gjuhën e cila shmang konfliktin verbal dhe fizik mes palëve, gjë që këtu janë dështuar. Ka disa figura, Këlliçi, Boçi, Bardhi, dëshmuan se bënë një fushatë të mirë dhe jo detyrimisht me atë qendrore që bëri Berisha në 61 bashki.
Në gjithë ketë gjë që po shohim tani, nuk ka një prezencë liderishipi, sa herë ka kriza, ka oportunitete, nuk kemi parë dikë që të dije të artikulojnë qëndrime te qarta politike, të japi zgjidhje problematikave që është duke u ndeshur PD, të arrij të shpalos një vizion alternativ, dhe të jetë sfidues përmes gjuhës së moderimit të arrij të bashkoje palët.
Ne nuk e shohim tani e tutje, fati i saj është i pashmangshëm, do copëtohet, do fragmentarizohet, nuk do përbëjë më alternativë ose pol të tërheqjes së elektoratit gri, për fatin e keq të demokratizmit në Shqipëri.
Duhet patjetër që ata që janë krerët politik të arrijë gjuhën dhe modalitetet për të mirën e PD-së. Nëse arrijnë e shohin vetëm interesin tyre personal siç kanë parë deri tani, për shkak të interesave të tyre meskine edhe për shkak të mbijetesës së tyre politike, nëse arrijnë të gjejnë gjuhën atëherë zgjidhja është aty”, perfundoi Kalemaj
