Lazio u rikthye te fitorja në Serinë A italiane, teksa mposhti Udinezen me rezultatin 0-1, në duelin e vlefshëm për javën e 36-të.
Kjo sfidë u vendos nga kapiteni Çiro Imobile, që u tregua i saktë nga pika e bardhë e penalltisë, duke tundur rrjetën në minutën e 61-të.
Ky gol mjaftoi që kryeqytetasit e Sarrit, të largoheshin nga kjo transfertë me 3 pikë të arta, duke parakaluar në renditje Interin, që zbret në vendin e katërt.
Paraqitje dinjitoze edhe për mbrojtësin e Kombëtares shqiptare, Elseid Hysaj, që u aktivizua titullar duke dhënë kontributin e tij në këtë sukses. Kjo ishte fitorja e 20-të në 36 duele për Lacion, që në përballjen e radhës do të presë Kremonezen tashmë të rënë nga kategoria.
