Sërish alarm i kuq për përmbytje dhe mot të keq në Emilia Romagna, Itali. Parashikimet paralajmërojnë më shumë shi me një ciklon të fuqishëm që vjen nga Tunizia.
Në provincën e Ravenës, një helikopter i angazhuar në kontrollimin e linjave të energjisë elektrike u rrëzua. Si pasojë është lënduar një prej 4 personave që ndodheshin në bord në momentin e incidentit.
Në të gjithë provincën e Ravenës, më shumë se 16% e territorit komunal është evakuuar.
Erëra të forta në Kalabri, ku një burrë u vra nga rrëzimi i një peme teksa ecte me qenin e tij.
Giorgia Meloni mundi të largohej herët nga samiti i Hiroshimës dhe të kthehej në Itali për të ndjekur nga afër urgjencën.
