Përmbytjet apokaliptike kanë bërë kërdi në të gjithë veriun e Italisë, zhytur qytete të tëra nën ujë si dhe ka pasur rrëshqitje dramatike të dheut, ndërsa vendasit përpiqen të shpëtojnë.
Pamjet e reja tregojnë shkallën e shkatërrimit të përmbytjeve vdekjeprurëse, që kanë mbytur të paktën nëntë njerëz në rajonin Emilia-Romagna, me rrugët e kthyera në lumenj.
Vala e motit të keq nuk ndalet, pasi alarmi i kuq vijon të jetë në fuqi në rajon, ku 27 mijë persona kanë mbetur tashmë edhe pa energji elektrike.
Niveli i pothuajse të gjithë lumenjve vazhdon të jetë mbi pragun e emergjencës dhe priten përmbytje të tjera të cilat mund të rëndojnë edhe më shumë situatën. Ndërkohë janë regjistruar përmbytje të reja në zonën e Ravenës.
Presidenti i Rajonit, Stefano Bonaccini tha se bëhet fjalë për dëme të shkaktuar në miliarda euro, të ngjashme me dëmet e një tërmeti.
14 lumenj kanë dalë nga shtrati duke e përkeqësuar situatën e përmbytjeve në 24 bashki, ndërkohë që janë 270 grupe pune që po punojnë për rivendosjen e linjave të energjisë.
Ekipet e emergjencave civile vijojnë operacionet e shpëtimit ku për shkak të përmbytjeve masive po përdoren edhe helikopterët për evakuimin e banorëve që janë në rrezik.
