Interi mposhti Milanin në aktin e dytë gjysmëfinal të euroderbit, me rezultatin 1-0, duke fluturuar drejt finales së Stambollit.
Goli i Lautaro Martinez në minutën e 74 vulosi duelin e mbrëmjes së sotme.
Ishte pikërisht kapiteni argjentinas, ai që në fund të sfidës, u zgjodh lojtari më i mirë i takimit nga specialistët e UEFA-s.
“Një kapiten i vërtetë. Punoi shumë në mbrojtje, si dhe ishte shumë luftarak në sulm, duke mbajtur në presion mbrojtësit e Milanit. Goli i shënuar ishte qershia mbi tortë”, ishte përshkrimi ndër të tjera nga paneli teknik i vëzhguesve të UEFA-s.
