Kandidati i opozitës për Kuçovën, Lefter Maliqi shprehet i sigurt në triumfin në zgjedhjet lokale.
Në një mesazh ditën e fundit të fushatës elektorale, ai u bën apel qytetarëve të votojnë me zemër, të lirë dhe pa imponim.
Në një postim në FB, ai shkruan:
Kuçova “Kantier Ndërtimi”! Uraganin e fitores s’ka forcë që e ndal! Bashkia Kuçovë do ju kthehet qytetarëve!
Shmangni çdo incident dhe provokim nga Rilindja! Të jemi vigjilent në lëvizje ditën dhe natën kundër të të korruptuarve që ndajnë ndihma, blejnë votuesit, kërcënojnë votuesit! Çdo masë para qendrave të votimit, shoqërimi i kutive, procesi i numërimit do jete nën vëzhgim total dhe masa të mirë-organizuara! Numërimi do jetë nën vëzhgim të mediave.
Paralajmëroj Rilindjen: mos guxoni të fikni dritat dhe të bëni qëllimisht incident se do përballeni me forcën e ligjit dhe qëndrimin tonë të fortë!
Policia e shtetit nuk ka punë në procesin e numërimit! OSBE -ODHIR dhe mediat janë njoftuar!
Komisionierët, vëzhguesit, numëruesit tanë janë njoftuar për të shmangur çdo provokim! Forca Kuçova! Çdo premtim do të kthehet në realitet! Kuçova e naftëtarëve, intelektualëve, aviatorëve, do të ndryshojë në çdo drejtim: në zhvillim, mirëqenie, kulturë, sport etj.
Stop shitblerjes së votës!
Stop “çakullit elektoral”!
Stop presioneve!
Votoni me zemër, të lirë dhe pa imponim! Fitorja është e sigurt! Mirënjohje!
