Tërmeti i nëntorit të vitit 2019-do të rezultonte fatal për dy vëllezërit Shkëmbi në fshatin Vashaj të Peqinit. Por si të mos mjaftonte fatkeqësia e tërmetit, ajo që e bën akoma edhe më të dhimbshme mjerimin e këtyre familje janë gënjeshtrat e kryeministrit Edi Rama i cili i mban me premtime boshe këto familje të cilat jetojnë në çadër.
Banesa e ndërtuar me mund dhe djersë u rrënua dhe që nga ajo kohë të 5-të anëtarët jetojnë në cadër në kushte të mjerueshme. Ndonëse njëri prej vëllezërve , Muhamet Shkëmbi thotë se ka trokitur disa herë në dyert e bashkisë Peqin dhe ka kërkuar ndihmë , nuk ka marrë asnjë mbështetje. Në kushte të rënduara psikologjike bën thirrje për ndihmë.
Muhamet Shkëmbi, njëri prej vëllezërve, ka folur për Faxnews, ku u shpreh se i ka ezauruar të gjitha buriumet, dhe ende nuk ka marrë një një zgjidhje.
“Bëra kërkesën, si në bashki ashtu edhe komunë, kam qenë me dhjetëra herë në bashki, nuk do t’ia dijë asnjë. Thonë nuk kemi ça të bëjmë. Po unë ça të bëjë, të mbytem në liqen. Për ça është bashkia, për ne është, për popullin. Tanio ça? Të vraskam njerëzit dhe ti lë në rrugë, apo ti lëmë përjashtë. Jemi 2023, kjo është për faqe të zezë”, tha ai per miktofonin e ‘Fax News’.
Përpos banesës së rrënuar kjo familje mbijeton duke shitur lule dhe me blegtori pasi dhe e zonja është e paaftë për punë dhe trajtohet me kemp.
“Unë gruan e kam të sëmurë, shteti e ka nxjerrë të paaftë me asnjë llojë pune. Unë këta dy krahët kam, dhe pounojë. Jetojmë veti i tretë me një dhomë. Po jetojmë me bagëti dhe mbjedhjen e luleve. Kemi qenë të persekutuar, na kanë vënë thikën në fyt, u shpreh ai.
Janë të shumta familjet sikurse ajo Shkëmbi në Peqin të cilët pas tërmetit fatkeq të para katër viteve nuk kanë përfituar ndihmë nga institucionet shtetërore, duke u braktisur në fatin e tyre.
