KQZ Shqiperi ka shpërndarë ditën e sotme kutitë, fletët e votimit dhe materialet zgjedhore drejt KZAZ-ve, në bashkitë e qarqeve Dibër, Lezhë, Gjirokastër dhe Fier, përfshirë pajisjen elektronike të identifikimit të zgjedhësve (PEI). Menjëherë vijon puna për shpërndarjen në 8 qarqe të tjera të vendit.
Kur na ndajnë vetëm 5 ditë nga zgjedhjet vendore të 14 majit, ka nisur shpërndarja në të gjitha KZAZ-të, e materialeve zgjedhore, kutive të votimit dhe gjithë bazës materiale të nevojshme për nisjen e procesit zgjedhor. Baza materiale ka mbërritur në t gjitha KZAZ-të e qarkut Fier që në total shkojnë në 9. Kreu i KZAZ-së nr.58, Stavri Kola është shprehur se një ditë para zgjedhjeve sipas afateve të përcaktuara do të kryhet shpërndarja e materialeve në QV-të në të gjitha njësitë administrative. Ndërkohë materialet zgjedhore janë nën mbikëqyrjen e policisë.
