Disa biznese në Shqipëri kalojnë çdo kufi të humanizmit me qëllimin e vetëm për të fituar sa më shumë para.
Madje shpesh herë rrezikohet edhe jeta e njerëzve për qëllime fitimprurëse. Rasti i fundit tregon se kompani të ndryshme private të karrotrecave në zonën e jug-lindjes së vendit luajnë rolin e “djallit” duke hedhur vaj në rrugë me qëllim që të shkaktohen aksidente.
Kjo vepër e rëndë penale kryhet me qëllim që të përplasen makinat ose të dalin nga rruga dhe menjëherë karrotrecët të vijnë në dispozicion duke zhvendosur automjetin drejt serviseve të zonës.
Aksi më problematik është zona Librazhd-Përrenjas-Qafë Thanë ku vazhdimisht raportohet për aksidente për shkak të rrëshqitjes në rrugë. Vetëm ditën e sotme janë shkaktuar 3 aksidente të ndryshme një në dalje të Prrenjasit dhe dy në kthesat e Qafë Thanës.
Siç mund ta shihni në foton e mësipërme, zjarrfikësit po pastrojnë rrugën pasi konstatojnë se është hedhur qëllimisht vaj nga disa njerëz të “pa shpirt” që mendojnë të fitojnë para duke i rrezikuar jetën udhëtarëve.
