Java e 32 e Kategorisë Superiore do të mbyllet sot me ndeshjen e fundit për këtë javë.
Laçi do të presë në shtëpi Erzenin, aty ku të dyja skuadrat tashmë kanë ndryshuar objektivat nga përballjet e disa javëve më parë.
Laçi që notonte në ujëra të turbullta, tashmë është duke luftuar për një vend në Kupat e Europës, teksa nga ana tjetër, Erzeni kërkon të përfitojë nga gabimet e rivalëve direkt dhe synon që të shkëputet për mbijetesën.
Ndeshja është planifikuar të luhet në orën 15:00 në stadiumin “Laçi”, aty ku presidenca ka vendosur që hyrja në stadium të jetë falas me përjashtim të tribunës qendrore.
Dy skuadrat vijnë në këtë përballje me një barazi totale. Në 3 ndeshjet e luajtura këtë sezon, Erzeni ka fituar të parën me rezultatin 1-0, Laçi ka fituar të dytën me rezultatin 1-0 dhe ndeshja e tretë në Durrës është mbyllur në barazim 1-1.
LUHET SOT:
