Dy shtetas shqiptarë janë arrestuar të dielën në afërsi të kufirit të gjelbër. Ata akuzohen për import, transport dhe posedim droge, me qëllim trafikimin, si dhe për hyrje të paligjshme në shtetin Grek.
Sipas policisë greke shqiptarët e moshës 37 dhe 26 vjeç u ndaluan ndërsa po ecnin me këmbë në vendin e quajtur Molivdoskepasto, pranë pikës së kalimit të kufirit Drymades. Ata mbanin të dy bashkë çantë udhëtimi brenda të cilës u gjetën 6 pako me 6,3 kilogramë kanabis.
Trafikantetë duke parë se kontrollet në doganë janë shtuar shumë po zgjedhin gjithnjë e më shumë kalimin në këmbë të kufirt për të bërë të mundur transpprtin e drogës.
Policia sekuestroi drogën si dhe një telefon celular.
