Kreu i Partisë së Lirisë, Ilir Meta është shprehur se pas fitores së 14 majit, do jetë një ndryshim për gratë dhe vajzat shqiptare.
Ai deklaroi se ata do të kenë familje më të forta, mundësi më të mëdha përfaqësimi, paga më dinjitoze dhe mbi të gjitha të gëzojnë kur shohin fëmijët që e ndërtojnë të ardhmen e tyre në Shqipëri.
“Ndryshim në 14 Maj në Tiranë dhe në të gjithë Shqipërinë që gratë dhe nënat shqiptare të kenë familje më të forta, mundësi më të mëdha përfaqësimi, paga më dinjitoze dhe mbi të gjitha të gëzojnë kur shohin fëmijët që e ndërtojnë të ardhmen e tyre në Shqipëri. BashkëFitojmë!”, shkroi Meta.
