Fushata elektorale ka për zgjedhjet e 14 majit ka hyrë në fazën e saj të më nxehtë, me opozitën që është angazhuar maksimalisht në terren për të bindur qytetarët se alternativa e kandidatëve të “Primareve” është e duhura për menaxhimin e 61 bashkive të vendit.
Vetë kreu i Partisë së Lirisë, Ilir Meta është shfaqur në takime me qytetatërt në thuajse çdo bashki, por vëmendja më e madhe i është kushtuar prezantimit të programit të Belind Këlliçit në Tiranë.
Kur na ndajnë vetëm dy javë nga dita e zgjedhjeve, Meta me një postim në Facebook ku shfaqet në krah të Këlliçit, nënvizon se Tirana do t’u kthehet të rinjve, pas ardhjes në krye të qytetit të ish-deputetit demokrat.
“Edhe dy javë nga dita kur Tirana do t’u rikthehet të rinjve. Edhe dy javë nga dita e votëbesimit masiv të planit fantastik të Belind Këlliçit. Me të rinjtë e njësisë nr.2, forca dhe energjia e pandalshme e Ndryshimit në Tiranë. Bashkë Fitojmë!”, shkruan Meta.
