Manchester City është rikthyer në krye të Premier League. Djemtë e Guardiolës triumfuan 1-2 ndaj Fulham në transfertë, duke marrë kështu fitoren e radhës në kampionat dhe duke parakaluar Arsenalin.
Sfida do zhbllokohej që në minutën e 3-të me Haaland me anë të një penalltie. Vendasit do futeshin në lojë me Carlos Vinicius, por gëzimi s’do zgjaste shumë, pasi “Qytetarët” morën përsëri epërsinë me Alvarez, brenda pjesës së parë.
City ka 76 pikë (kanë edhe një ndeshje më shumë për të luajtur) dhe kryeson kampionatin me 1 pikë më shumë se Arsenal.
Në ndeshjen tjetër, Manchester United iu fal golit të Fernandes ndaj Aston Villas (1-0). Ekipi i Ten Hag konsolidon edhe më shumë pozitat në vendin e katërt.
