Një 30-vjeçar shqiptar, është vrarë në Spanjë, dhe është braktisur në dyert e një spitali.
Mediat e huaja shkruajnë, se është bërë i mundur identifikimi i viktimës, ndërsa dyshohet të jetë goditur me thikë në bark.
Mësohet se i riu shqiptar nuk kishte asnjë dokument me vete, ndërsa hetuesit kanë analizuar përmbajtjen e kamerave të video survejimit të spitalit së bashku me personelin e sigurisë në përpjekje për të parë targën e mjetit që la viktimën në urgjencë dhe u largua.
U zbulua se pronari i mjetit që la shqiptarin në derën e spitalit ishte një tjetër shtetas me origjinë shqiptare me banim midis rajonit Maresme dhe La Selva.
Ende nuk dihen shkaqet dhe rrethanat e ngjarjes së rëndë, ndërsa pritet një njoftim zyrtar nga karabinierët për zbardhjen e plotë të rastit.
