Kryetari i PD-së, Sali Berisha pranoi këtë të Premte se ndaj tij mund të jetë planifikuar ndonjë atentat nga agjentura të huaja jo mike me Shqipërinë.
Në emisionin “Zonë e Lirë”, kryedemokrati u pyet: Zoti Berisha ju i keni shpëtuar gjatë karrierës suaj disa atentateve që kanë synuar ekzekutimin tuaj si politika dhe njeri. A keni pasur informacion se disa prej tyre mund të kenë qenë të inskenuara nga agjentura të vendeve jo mike?
“Ndonjë rast edhe mund të kem patur, por kjo nuk më ka penguar mua. Politika kështu është. Unë jam politikan. Dhe në politikë do presësh të gjitha. Kanë patur asnjë ndikim te mua dhe nuk mund të kenë. Fiksoj qëndrimet e mia dhe u qëndroj atyre”, tha Berisha.
