Sevilla, Juventus, Roma dhe Bayer Leverkusen janë katër skuadrat e kualifikuara në gjysmëfinalet e Europa League.
Skuadra andaluziane fitoi 2-0 ndaj Manchester United dhe siguroi kualifikimin falë rezultatit të përgjithshëm 4-2. En Nesyri (2x) dhe Loic Bade ishin autorët e golave për ekspertët e këtij turneu.
Avancon edhe Juventusi. Bardhezinjtë e mbyllën në barazim 1-1 transfertën ndaj Sportingut të Lisbonës, por u kualifikuan falë triumfit 1-0 në Torino. Adrien Rabiot kaloi italianët në avantazh, por vendasit barazuan falë një penalltie të saktë të Marcus Edwards.
Feston edhe Roma përballë Feyenoordit. Skuadra e Jose Mourinhos eliminoi holandezët pas suksesit 4-1 që erdhi në minutat shtesë. Koha e rregullt përfundoi 2-1. Emocionet dhe golat nisën pas një ore lojë. Lorenzo Spinazzola zhbllokoi takimin.
Feyenoordi barazoi me anë të Igor Paixao (80’), por goli i bukur i Paulo Dybala dërgoi takimin në shtesë. Verdhekuqtë nuk u përmbajtën. Pasi Ibanez u ndal nga shtylla erdhën golat e Stephan El Shaaraëy dhe kapitenit Lorenzo Pellegrini.
Në gjysmëfinale edhe Bayer Leverkusen. “Aspirinat” fituan 1-3 në Belgjikë përballë Union Saint-Gilloise. Sfida e parë kishte përfunduar në barazim 1-1. Sevilla do të sfidojë Juventusin në gjysmëfinale, ndërkohë që çifti tjetër është Roma-Bayer Leverkusen.
Rezultatet e mbrëmjes:
#UEL SEMIFINAL
JUVENTUS vs SEVILLA
ROMA vs LEVERKUSEN@CBSSportsGolazo pic.twitter.com/VftqI1qyva— Siaran Bola Live (@SiaranBolaLive) April 20, 2023
