Një tjetër rast trodnitës i abuzimit seksual.
Ngjarja ka ndodhur në Tetovë. Rasti është bërë publik nga prokuroria themelore e Tetovës, e cila ka nisur hetimet ndaj një 19-vjeçari i cili dyshohet se ka abuzuar seksualisht me një 15-vjeçare. Në njoftimin e publikuar nga organi i akuzës bëhet me dije se ngjarja ka ndodhur në afërsi të tregut afër objekteve të vjetra të Universitetit Shtetëror.
19-vjeçari e ka kërcënuar të miturën që të futet në një makinë që drejtohej nga një i panjohur. Sipas prokurorisë, e mitura është futur me forcë në sediljen e pasme të makinës e cila është parkuar 200 meta larg vendit ku u mor me forcë.
Personi që drejtonte mjetin është larguar për një moment dhe 19-vjeçari ka shkuar në sediljen e pasme dhe ka abuzuar seksualisht me 15-vjeçaren. Kjo e fundit është lënë sërish në vendin ku u mor me forcë, ndërsa 19-vjeçari e kërcënoi të mos tregonte për atë se çfarë kishte ndodhur.
“I dyshuari 19-vjeçar ka dhunuar seksualisht një vajzë 14-vjeçare më 12 prill, në afërsi të tregut afër objekteve të vjetra të Universitetit Shtetëror në Tetovë, duke përdorur forcë dhe kërcënime. Ai së bashku me një person tjetër të panjohur e kanë takuar viktimën në një rrugicë teksa ajo ishte duke ecur drejt tregut. E dyshuara, përndryshe fqinji i saj, e ka tërhequr për krahu drejt një veture të parkuar aty pranë. Personi tjetër e ka zhbllokuar veturën, pas së cilës i dyshuari e ka goditur viktimën në fytyrë dhe e ka futur me forcë në sediljen e pasme. Automjeti drejtohej nga një person i panjohur, i cili i ka mbyllur dyert dhe i ka larguar 200 metra, më pas e ka parkuar veturën dhe ka dalë. I dyshuari dhe viktima kanë mbetur në sediljen e pasme, i cili e ka detyruar vajzën të kryejë akte seksuale duke përdorur forcë. Më pas ka telefonuar personin e panjohur dhe së bashku me makinën e kanë kthyer viktimën nga vendi ku e kanë marrë. I dyshuari e ka kërcënuar se do ta vriste nëse i tregonte dikujt për ngjarjen”, thuhet në njoftimin e Prokurorisë.
Prokurori publik kompetent i ka dorëzuar gjyqtarit të procedurës paraprake në Gjykatën Themelore në Tetovë propozim për caktimin e masës së paraburgimit për të dyshuarin, duke vlerësuar se ai mund të ikë për të ndikuar mbi dëshmitarin/viktimën ose për të përsëritur veprën penale. Gjykata pranoi propozimin e prokurorisë dhe të dyshuarit i caktoi masën e paraburgimit prej 30 ditësh.
