Një 20-vjeçar ka humbur jetën pas mesnatës në Rrugën ‘4 Dëshmorët’ në kryeqytet, pranë gjimnazit “Partizani”.
Mësohet se Stiven Toshkesi është qëlluar me thikë pas një sherri dhe nuk ka mundur t’i mbijetojë plagëve të rënda.
Ngjarja ka ndodhur rreth orës 00:35. I riu u përfshi në një konflikt për motive të dobëta sipas bluve dhe u plagos nga dy të rinjtë e identifikuar si Ensi Maze, 18 vjeç, dhe Axel Hoxhaj, 18 vjeç. I pari u arrestua pas krimit, ndërsa bashkëmoshatari i tij është ende në kërkim policor.
I riu i cili u qëllua me thikë, u dërgua në spital, ku ndërroi jetë për shkak të plagëve të marra.
“Më datë 18.04.2023, rreth 00:35, në rrugën “4 Dëshmorët”, në afërsi të gjimnazit “Partizani”, gjatë një konflikti për motive të dobëta, shtetasit E. M., 18 vjeç, dhe A. H., 18 vjeç, kanë plagosur me mjete prerëse shtetasin A. T., 20 vjeç, i cili si pasojë e plagëve të marra ka ndërruar jetë në spital. Grupi hetimor po punon për kapjen e autorëve dhe sqarimin e plotë të rrethanave të ngjarjes”, njoftoi policia.
Pamje nga vendngjarja
Mes palëve ka pasur konflikte edhe më herët, që dyshohet se ka ardhur për një vajzë. Sipas burimeve policore, dyshohet se dy autorët ngacmonin të dashurën e 20-vjeçarit.
Lexo edhe:
PAMJET e vrasjes me thikë të 20-vjeçarit në Tiranë, viktima vrapon drejt banesës
