Mirel Josa u largua nga drejtimi i Vllaznisë pak javë më parë por rikthimi në detyrë pritet të vijë shumë shpejt.
Trajneri tiranas pritet të rikthehet në kampionatin kosovar ku trajnoi Prishtinën për 2 sezone.
Newsport.al zbulon se tekniku 59-vjeçar do të marrë drejtimin e Dritës.
Palët janë shumë afër marrëveshjes dhe në orët në vazhdim mund të kemi një zyrtarizim të kësaj “martese”. Drita ka mbetur pa trajner pas dorëheqjes së Arsim Thaqit ditën e sotme dhe është në kërkim të një zëvëndësuesi.
Klubi bardheblu po rivalizon fort me Ballkanin për itullin kampiona teksa është vetëm 1 pikë më pak se djemtë e Ilir Dajës.
Nëse gjithçka shkon sipas planit, mund të kemi një duel shumë interesant Josa – Daja për titullin kampion në Kosovë.
