Një sherr ka ndodhur mbrëmjen e kaluar në zonën e “Ish-Bllokut”, në kryeqytet.
Blutë bëjnë me dije se dy persona janë konfliktuar me njëri-tjetrin, për motive të dobëta brenda një lokali.
Të dy shtetasit ndodhen në spital nën kujdesin e mjekëve.
“Më datë 17.04.2023, rreth orës 11:20, në ish-Bllok, në një lokal, dyshohet se për motive të dobëta janë konfliktuar me njëri-tjetrin, shtetasit A. R., 35 vjeç, dhe A. D., 40 vjeç.
Si pasojë, të dy janë dëmtuar dhe ndodhen në spital, nën kujdesin e mjekëve”,- njofton policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
