26-vjeçari shqiptar që humbi jetën ditën e sotme në Itali pas një aksidenti tragjik është identifikuar si Detar Tali Muça.
I riu shqiptar, ditën e djeshme herët në mëngjes, teksa udhëtonte me një furgon u përplas me një kamion. Goditja ishte aq e fortë saqë për nxjerrjen e tij nga makina ndërhyri zjarrfikësja. Ai u transportua me urgjencë në spitalin e Parmës por sot në mëngjes u shpall i vdekur.
26-vjeçari që kishte lindur në Shqipëri ishte i apasionuar pas futbollit dhe kishte luajtur me ekipe të ndryshme të zonës ku banonte.
