Kandidati i Koalicionit “Bashkë Fitojmë” për Bashkinë e Elbasanit, Luçiano Boçi, është shprehur se qyteti ka një vijë të kuqe, që sapo e kalon atë, fillon varfëria dhe mungesa e gëzimit të jetës.
Komentet Boçi i bëri teksa ishte i ftuar në emisionin “Log”. në Panorama TV, ku tha se kjo vijë e kuqe nis që në bulevardin qëndror të qytetit dhe sipas tij, sa më në periferi të shkosh, veç varfërisë ka edhe mungesa rrugësh e shërbimesh.
Ai shtoi se afera e inceneratorëve është ajo që ka shkaktuar edhe debatin më të madh në Elbasan.
Pjesë nga biseda në studio:
Boçi: Kanë dhënë leje për gurore ata të bashkisë, është tmerr.
Është një set shërbimesh. Të rinjtë ikin, ikin edhe ata që janë mirë nga ekonomia. Ai që jeton në Elbasan, ka një vijë të kuqe, sa kalon bulevardin qëndror. Është qytet që nuk ka gëzimin e jetës. Ajo vija e varfërisë nis aty dhe po të ikësh në periferi mungojnë rrugët, mungojnë shërbimet. Në raport me BE-në, pushteti lokal investohet më shumë nga të gjitha pushtetet e tjera. Kuçedra firmosi 3.5 miliardë lekë. Për çfarë i firmosi.
Të marrim atë që shkakton debatin e madh, inceneratorin e Elbasanit.
