Katër emigrantë shqiptarë janë arrestuar në Britani, pasi u kapën në një “shtëpi bari” ku u gjet kanabis me vlerë 390,000 paund.
Policia britanike kishte marrë fillimisht raportime për disa persona që vepronin në mënyrë të dyshimtë dhe ngarkonin një furgon Ford Transit ngjyrë argjendi më 16 janar. Ky automjet ishte parë jashtë ambienteve në Market Place, Workington.
Mjeti në fjalë u ndalua në Lancashire nga një oficer policie, ndërsa brenda tij udhëtonin Eneo Kamberi, 24 vjeç që ishte shoferi dhe pasagjerët, 28-vjeçari Eriton Qato dhe Esat Qama, 25 vjeç, të cilët fillimisht dhanë një emër të rremë.
Pasi oficeri zbuloi një erë të fortë kanabisi, ai vendosi të kontrollonte furgonin, ndërsa gjeti brenda tij 120 qese plastike të zeza me mbetje kanabisi. Ndërkohë, shqiptari i katërt u arrestua në fermën e kanabisit, Eduart Rrampushaj, 37 vjeç.
Gjykatësi Nicholas Barker i dënoi shqiptarët me 21 muaj burg secilin.
