Kur na ndajnë vetëm pak ditë nga çelja e fushatës elektorale, mëngjesin e sotëm në Vaun e Dejës ka ndodhur një ngjarje e rëndë duke u regjistruar një atentat me tritol.
Objektiv i atentatit ishte kreu i Partisë Demokratike në vaun e Dejës, Benard Ndreca. Sipas njoftimit të policisë në orët e para të mëngjesit të sotëm automjeti tip “Audi” ka shpërthyer në përpara shtëpisë së tij në fshatin Paçram.
Nga veprimet e para hetimore të policisë rezulton se shpërthimi ka ndodhur në momentin që shtetasi Bernard Ndreca sapo ka hipur në automjet. Si pasojë e shpërthimit fatmirësisht nuk ka të lënduar por vetëm dëme materiale.
Siç mund ta shihni në pamjet më poshtë shpërthimi ishte i fuqishëm aq sa ka shkatërruar plotësisht makinën ne pronesi të Bernard Ndrecës e cila ishte e parguar në “prag të shtëpisë”.
