Tre shtetas janë arrestuar dhe një bashkëpunëtor i tyre është shpallur në kërkim pas një aksioni të Policisë Operacionale për të çuar në qeli grupin që ka kërcënuar me jetën e djalit administratorin e një kompanie private në garë për të fituar një tender në Bashkinë e Tiranës.
Në pranga kanë rënë shtetasit Algert Alcani, 27 vjeç, Edmir Boci, 37 vjeç, Shaqir Alcani, 62 vjeç, të cilët në bashkëpunim me njëri-tjetrin kërcënuan me “armë në kokë”, Eral Myftaraj administratorin e kompanisë AL-MEXWOOD SH.P.K, duke i kërkuan që të tërhiqej nga një procedurë tenderimi për lëndë drusore që e kishte fituar në bashkinë e Tiranës.
“Shtetasi E. M. nuk ka pranuar të tërhiqet dhe këta shtetas e kanë kërcënuar se do të vrisnin atë dhe familjarët e tij”, njofton policia.
Policia sekuestroi në cilësinë e provës materiale automjetin e përdorur nga autorët dhe 8 aparate celulare.
Materiale procedurale në ngarkim të tyre i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
