Një 26-vjeçar shqiptar i identifikuar me emrin Robin Tafa banues në Bolzano është vënë në prang nga policia italiane.
Mediat vendase raportojnë se arrestimi i të riut është bërë në aeroportin e Veronës teksa po kthehej nga Shqipëria.
Tafa ishte në kërkim pasi akuzohej se ishte pjesë e një organizate të shqiptarëve të përkushtuar ndaj trafikut të drogës.
Në total, operacioni bëri të mundur sekuestrimin e mbi dy kilogramëve drogë dhe shtatë makina të përdorura nga korrierët.
Hetimet, të koordinuara nga prokurori Pasquale Longarini, kishin bërë të mundur goditjen e një organizate të dedikuar për trafikun e drogës, ndihmën dhe nxitjen e emigracionit të paligjshëm dhe vjedhjes. Më 27 qershor, autoritetet nxorrën 23 urdhra ndalimi: 18 në burg dhe 5 në arrest shtëpie.
Në pranga përfunduan: Petrit Lekndreaj (34 vjeç) nga Aosta; Flamur Lekndreaj (28) nga Aosta; Ilir Lekndreaj (29) nga Roma; Frederik Lekndreaj (21) i Quart; Kujtim Lekndreaj (20) nga Aosta; Florian Molla (29) nga Opera (Milano); Artur Kocecu (27) nga Torino; Gering Kasa (25) nga Aosta; Aleksander Dukati (25) nga Gignod; Astrit Pjetra (26) nga Mesero; Milan Sokol Gjoli (32) nga Sarre; Altin Brahja (27) nga Rimini; Besim Malaj (36) nga Saltrio (Varese); Bardh Get (29) nga Quart, i gjithë me origjinë shqiptare; dhe më pas Matteo Salvatore (25) nga Morgex; Salvatore Di Stefano (38) nga Nova Milanes dhe Szczepan Marek Racon (26) nga Aosta, një shtetas polak. Nga ana tjetër në arrest shtëpie: Shan Gjergjndreaj (27) nga Roma; Marian Turkaj (31) nga Malnate (Varese); Robin Tafa (26) nga Bolzano; Marjan Zogu (32) nga San Casciano Val Pesa (Firence), gjithashtu shtetas shqiptarë dhe Giovanna Giovinazzo (41) nga Aosta.
Tafa akuzohet se ka ndihmuar dhe nxitur emigracionin e paligjshëm. Hetimet zbuluan se në nëntor të vitit të kaluar ai dyshohet se kishte tentuar të fuste një bashkëfqytetar në Francë, duke e kaluar përmes tunelit të Mont Blanc, për 2000 euro.
