Adriatik Llalla nuk ka ndërmend ta lërë zyrën bosh, deri në mbërritjen e pasardhësit, për të mos penguar funksionimin normal te institucionit. Burime të prokurorisë së përgjithshme thonë se shumë hetime dhe përgjime kërkojnë firmën e kreut të prokurorisë, ku në mungesë të tij institucioni futet në ngërç.
Kjo rrugë ndiqet sipas burimeve nga organi i akuzës, pasi vetë institucioni i Prokurorisë futet në kolaps në raste të mungesës së drejtuesit të tij.
Burime nga prokuroria e përgjithshme thonë se shumë hetime dhe përgjime kërkojnë firmët e kreut të prokurorisë.
Konkretisht, pa autorizimin e firmës së shefit të akuzës, atëherë edhe Drejtoria gjyqësore, Drejtoria e Marrëdhënieve me jashtë, e cila është përgjegjëse për ekstradimet e letër-porositë nuk funksionon.
Këto janë aspekte procedurale dhe jo administrative që do të thotë se, mosprania e titullarit do të shkaktonte një ngërç institucioni për të gjitha hallkat që varet nga drejtpërdrejt nga Prokuroria e Përgjithshme.
Në rastin konkret Prokuroria e Përgjithshme nuk ka zëvendësprokuror, që në mungesë të titullarit të delegojë hetimet tek shefat e kabinetit. Një nga opsionet është që prokurori Adriatik Llalla të qëndrojë në detyre deri me ngritjen e organeve të reja të sistemit të drejtësisë, konkretisht, Këshilli te Lartë te Prokurorisë.
Pavarësisht mbarimit te mandatit këtë të enjte, burime zyrtare thonë se Kryeprokurori Adriatik Llalla, qëndron në detyrë deri në zgjedhjen e pasaardhësit të tij të ri duke zbatuar parimin e vazhdimësisë.
Aktualisht 23 prokurore presin te kalojnë në siten e Vettingut dhe pa u certifikuar nga organi përkatës, sipas burimeve të prokurorisë, që citojnë nenin 22 të ligjit për Organizimin dhe Funksionimin e Prokurorisë, asnjë prej tyre nuk mund te zgjidhet në postin e kryeprokurorit, qofte ky edhe me një mandati te përkohshëm./abcnews
