Një aksident raportohet të ketë ndodhur pak minuta më parë në Elbasan.
Mësohet se një makinë tip ‘Opel’ që drejtohej nga një 61-vjeçar ka përplasur dy fëmijë të moshës 12 dhe 16 vjeç.
Këta të fundit po udhëtonin me biçikletë anash rrugës dhe pas përplasjes janë dërguar me urgjencë në spital, ku po marrin trajtim mjekësor dhe janë jashtë rrezikut për jetën.
Policia shkoi menjëherë në vendin e ngjarjes për të zbardhur rrethanat e aksidentit.
