Një aksident me vdekje është regjistruar mesditë e së martës në rrethrrotullimin e Treshit, në kryeqytet.
Një mjet transporti i tonazhit të rëndë ka përplasur një qytetar, i cili shihet në një video të siguruar nga Boldnews, i shtritë përtokë mbi vijat e bardha.
“Ngjarja ka ndodhur në rrugën “Kastriotët”, shtetasi K. F., duke drejtuar automjetin tip kamion, ka aksidentuar këmbësorin, shtetasin O. D., 32 vjeç, i cili si pasojë e aksidentit ka ndërruar jetë. Grupi hetimor po punon për sqarimin e rrethanave të aksidentit”, njofton policia.
Personi që humbi jetën quhet Oligert Dika. Nga të gjithë përdoruesit e rrjeteve sociale “Tik Tok” e Instagram ai njihet si “Olsi polici”, pasi ai gjithmonë qëndronte në këtë zonë me një tabelë në dorë, duke orientuar drejtuesit e mjeteve dhe shfaqur afrimitet me ta.
Olsi vuante nga probleme të shëndetit mendor, por ai ishte një personazh karizmatik dhe tepër pozitiv.
@deniberisha13 #olsimode ♬ original sound – Denis
Sakaq, sa i përket aksidentit mësohet se i riu është transportuar për ndihmë mjekësore dhe ka ndërruar jetë në spital. Ndërkohë, drejtuesi i kamionit me inicialet K.F. është larguar nga vendngjarja.
