Një person ka vdekur dhe më shumë se 30 janë plagosur në Hollandë, pas daljes nga shinat të trenit që ishte nisur nga Leiden drejt Hagës.
Treni po transportonte të paktën 50 persona kur doli nga shinat në orët e para të mëngjesit të kësaj të marte, duke lënë një numër njerëzish “të plagosur rëndë”.
“Dhjetëra persona të lënduar po dërgohen në spital për të marrë ndihmën e nevojshme”, thanë shërbimet e urgjencës.
Vagoni i përparmë i trenit të pasagjerëve doli nga shinat dhe u fut në një fushë pas aksidentit.
Menjëherë më pas një zjarr shpërtheu në njërin prej vagonëve duke e bërë edhe më të vështirë nxjerrjen e personave të plagosur.
”Ekipet e shpëtimit punuan gjatë natës në vendin e aksidentit pranë Voorschoten, një fshat midis qytetit të Hagës dhe Leiden”, thuhet në një njoftim nga shërbimet e urgjencës.
