Rikthimi i 4 ish-banorëve në Big Brother VIP nuk u prit mirë. Opinionisti Arbër Hajdari ishte i pari që ironizoi këtë rikthim dhe ia tha ballë për ballë Efit, Kiarës, Ronaldos e Bledit.
Teksa u pyet për dinamikën që mund të sjellin banorët e rikthyer në BBV, Arbëri tha me ironi që mos të harrojnë freskuesen me vete, t’i bëjnë fresk Luizit pasi s’ka asgjë ndryshe që mund të sjellin.
Kiara dhe Efi po komentohen shumë nga ndjekësit dhe personazhet publikë për arrogancën që po përcjellin pas rikthimit në shtëpi. Kiara veçanërisht po kritikohet shumë ashpër për ndryshimin e saj me 360 gradë nga publiku po ashtu edhe nga banorët e tjerë brenda shtëpisë që nuk arrijnë ta kuptojnë pse ky ndryshim.
Pas kritikave të shumta, ka ardhur një tjetër reagim nga Arbër Hajdari i cili shkruan: “Shkodranët e kanë një shprehje të bukur: Të hift vedja n’qef”.
