Të shtëna me armë janë raportuar në Shkodër pranë teatrit ‘Migjeni’, ku është qëlluar me armë zjarri nga dy automjete.
Mësohet se personat që kanë qenë në të dyja makinat kanë shkëmbyer zjarr mes tyre në mes të rrugës. Nga ngjarja nuk ka persona të lënduar, ndërkohë që autorët janë larguar menjëherë nga vendi i ngjarjes.
Shkaqet janë ende të panjohura, ndërkohë që policia ka nisur hetimet. Dyshimet e para janë që në këtë ngjarje kriminale janë përfshirë dy grupe të rinjsh.
