Një vit më parë kryetari i bashkisë së Tiranës, Erion Veliaj deklaroi se nuk do të lejohej më qarkullimi i betoniereve dhe kamionëve të rëndë në Tiranë.
Madje në atë kohë kryebashkiaku Veliaj theksoi se ata që kundërshtojnë këtë vendim kërkojnë ti vendosin gjobë dhe se nuk do të tërhiqet.
Në një deklaratë të bërë më 10 janar të vitit 2022, kryebashkiaku u shpreh se do të bllokojnë totalisht qarkullimin e mjeteve të rënda në fashën orare 7:00-20:00.
Mirëpo ky betim ka zgjatur shumë pak pasi mjetet e tonazhit të rëndë kanë qarkulluar dhe vijojnë të qarkullojnë në rrugët eTiranës.
Në disa pamje të mbërritura në redaksinë e Boldnews.al, shihet se si betonieret bëjnë ‘gara’ në rrugët e kryeqytetit, ndërkohë që dhe punimet e zhurmshme vazhdojnë po njësoj. Pamjet janë regjistruar pasditen e sotme, brenda fashës së orarit që Lali Eri e cilësoi si ‘pushim’ për qarkullimin e mjeteve të rënda.
Përpos ndotjes akustike këto betoniere shkaktojnë edhe trafik të rënduar, sidomos në mëngjes dhe në pasdite kur qytetarët nisin dhe lënë turnin e punës.
Dhe është pikërisht trafiku i krijuar nga betonierët një nga çështjet që zbulojnë mashtrimet apo paqëndrueshmëritë në deklaratat e lali Erit.
Sepse siç duket përpos premtimeve të Lalit të Bashkisë, betonierët dhe kamionët e tonazhit të rëndë bredhin mes qytetit të Tiranës duke gulçuar dioksid karboni dhe shurdhim në veshë për qytetarët të cilët detyrohen të përballen me tablonë e një vendi ku ndërtohet më shumë sesa jetohet.
