Ekseprienca tjetër në Bundesligë do të jetë në mënyrë të pashmangshme speciale për trajnerin e ri të Bayern Munichut, Tuchel, teksa do të përballet me ish-klubin e tij, Borussia Dortmund. Lamtumira e trajnerit me verdhezinjtë nuk ishte më e lumtura për shkak të disa dallimeve mes tij dhe drejtuesve.
Marrëdhëniet më të komplikuara sigurisht i kishte me drejtorin e përgjithshëm Watzke, i cili kishte deklaruar pak para lamtumirës së Tuchel: “Mendoj se diçka u prish mes meje dhe trajnerit”.
Episodi që dëmtoi më shumë lidhjen mes trajnerit dhe klubit ishte padyshim sulmi i pësuar në 2017, i cili fjalë për fjalë e kishte tronditur aq shumë Tuchel, saqë e shpjegon ende sot, vite më vonë, sfondin dhe sjelljen e drejtuesve.
Në prag të super ndeshjes së Bundesligës me Dortmundin, Tuchel, trajneri i ri i Bayernit, ka dashur të ndalet në konferencën për shtyp mbi sulmin dramatik të pësuar kur ishte ende trajner i Borussias. Sulmi ndodhi pak para ndeshjes së Ligës së Kampionëve kundër Monaco, kur një kriminel shpërtheu një bombë dhe plagosi Bartra.
Tuchel dëshironte t’i rikthehej episodit të keq, duke goditur drejtuesit verdhezinj dhe në veçanti drejtorin e përgjithshëm Watzke, me të cilin ka pasur gjithmonë një marrëdhënie të stuhishme: “Ujërat tani janë qetësuar, por kanë mbetur disa gjëra. Dallimi kryesor ishte se unë ndodhesha autobusin e Borussia Dortmund atë ditë dhe jo drejtorët”.
