Ngjarjet kriminale me viktima në Shqipëri nuk ndalen.
Pas Edmond Gosës dhe Altin Rexhës që i morën jetën njëri-tjetrit në Kavajë dhe një 33-vjeçari që u gjet me plagë thike në zemër në ullishten e Elbasanit, një tjetër ngjarje e rëndë është regjistruar në Tiranë.
Mësohet se rreth orës 21:50 të mbrëmjes së sotme një plagosje me thikë ka ndodhur në zonën e “Komunës së Parisit”.
I plagosur ka mbetur një 19 vjeçar. Forcat e rendit kanë identifikuar autorin e ngjarjes si shtetasi Arli Beta.
Ai mësohet se ka qëlluar me thikë në shpinë të riun Erius Tuçe, i cili ndodhet në spital, nën kujdesin e mjekëve.
Grupi hetimor ndodhet në vendngjarje, ndërsa policia ka arrestuar autorin.
Njoftimi i policisë:
Plagosi me thikë një 19-vjeçar, falë reagimit të menjëhershëm të shërbimeve të Komisariatit të Policisë Nr. 2, kapet dhe shoqërohet në komisariat autori i dyshuar.
Shërbimet e Komisariatit të Policisë Nr. 2 pas informacioneve të marra për një konflikt me mjete prerëse në Komunën e Parisit, gjatë të cilit shtetasi A. B., kishte goditur me mjet prerës shtetasin E. T., 19 vjeç, menjëherë kanë organizuar punën për kapjen e autorit të dyshuar dhe vënien e tij përpara përgjegjësisë ligjore.
Në vijim të veprimeve u bë shoqërimi i autorit të dyshuar shtetasit A. B., 20 vjeç, banues në Tiranë, i cili gjatë një konflikti për motive të dobëta, ka goditur me mjet prerës shtetasin E. T.
Si pasojë e konfliktit, shtetasi E. T., është dëmtuar dhe ndodhet në spital, nën kujdesin e mjekëve.
Grupi hetimor po punon për sqarimin e rrethanave të ngjarjes
