Klemend Balili, i njohur tashmë si “Eskobari i Ballkanit”, i ka bërë dhuratë një shtëpi, ish ministrit të Drejtësisë të kabinetit Rama-1, Ylli Manjanit,përfaqësues I LSI-së, për të gjitha shërbimet e çmuara që ky i fundit i ka bërë atij. Raportimi vjen nga “Pamfleti.com, që vijon të denoncojë si më poshtë:
“Ylli Manjani një ndër ish- ministrat e Ilir Metës dhe LSI në krye të Drejtësisë Shqiptare, dhe një kundërshtar i paepur i Saimir Tahirit, tashmë është zyrtarisht i “kapur” nga supertrafikanti i drogës Klemend Balili.
“Pamfleti.com” ka shkruar shumë kohë më parë se Ylli Manjani është ministri që ka ndihmuar Klemend Balilin duke i vonuar përkthimin e dosjes greke dhe duke i dhënë kohë të largohet në drejtim të paditur. Por njëherësh “Pamfleti.com” ka shkruar më se njëherë se Manjani është ministri dhe ish ministri i LSI që kishte bërë të udhës të shkonte çdo fundjavë në Sarandë, herë te resorti turistik ‘Santa Quaranta’ e Klemend Balilit dhe herë në një shtëpi private. Që më vonë po ky portal zbuloi se ishte shtëpia e marrë prej Ylli Manjanit tek Balilët.
Që në fakt ishte një dhuratë për të gjitha shërbimet e çmuara që Manjani i ka bërë Klemend Balilit, madje dhe duke e shpëtuar nga burgu ish zyrtarin e LSI, tashmë i kërkuar ndërkombëtarisht për trafik të drogërave të rënda.
Dhe tashmë që prokuroria ka sekuestruar apartamentet e Balilit, mes tyre është dhe banesa e Ylli Manjanit ish ministrit të Drejtësisë, përfaqësues i LSI. Dhe si për ta konfirmuar tërë atë që ka shkruar “Pamfleti.com”, dhe një natë më parë në emisionin televiziv “Opinion” në TV Klan është risjellë në vëmendje kjo ngjarje nga gazetari Artan Hoxha. I cili deklaroi se Balilit i janë bllokuar 36 apartamente, aty ku ka blerë shtëpi edhe ish-ministri i Drejtësisë, në qeverinë Rama 1, Ylli Manjani. Dhe banesa e Manjanit sipas burimeve nga prokuroria është një nga 36 apartamentet e sekuestruara nga prokuroria për llogari të bllokimit të pasurive të supertrafikantit të drogërave të rënda Klemend Balili.
Ylli Manjani, ish ministër Drejtësie i LSI një nga zërat më të flaktë që denonconte lidhjet e Tahirit dhe Ramës me kanabisin dhe se qëllimisht nuk e arrestonin Balilin për të fajesuar Metën dhe LSI, ka pronë pikërisht te pallati i Klement Balilit. Ajo është një banesë me një sipërfaqe banimi prej 51 m2. Janë bërë publike dhe dokumente, që realisht janë kontrata zyrtare, midis dy palëve, një firme ndërtimi, e cila më 22 maj 2011 ka marrë për të ndërtuar një sipërfaqe trualli në Sarandë, pronar i të cilës është vëllai i Klement Balilit, Bashkim Balili.
Vetë ish-ministri Ylli Manjani i ka hedhur poshtë këto lajme, duke pretenduar se ai ka blerë hyrje te e njëjta banesë, por që nuk ja ka blerë Klement Balilit. Sipas Manjanit, firma D.A.E.D, ka kontratë për ndërtim objekti me familjen Balili, por edhe me pronarë të tjerë trojesh në Sarandë. Manjani në atë kohë theksonte se ajo që duket të jetë një keqkuptim apo pasaktësi është fakti se ai ka një hyrje në Sarandë nga firma D.A.E.D, por jo në pronën e Balilit, por të një tjetër qytetari. Gjithsesi Manjani, ky “atlet” i luftës kundër kanabisit por edhe kundër Tahirit, sa kohë ishte ministër Drejtësie kërkoi dhe ndërhyrjen e ushtrisë, ka marrë shtëpi nga supertrafikanti i drogërave të rënda dhe që është në kërkim ndërkombëtar, Klemend Balili.Këtu duket dhe serioziteti i “luftës” së tij kundër drogës. Dhe jo vetem i tij, por dhe i Ilir Metës dhe Monika Kryemadhit, “padronëve” të tij realë”.
