Makina e kosha të djegura në mes të rrugës, biznese të shkatërruara, fishekzjarre nga ajri dhe toka, këto janë pamjet që vijnë nga protesta në Francë e cila mesa duket ka dalë jashtë kontrollit. Forcat e policisë janë përpjekur të shpërndajnë turmat duke hedhur gaz lotsjellës por situata është përshkallëzuar në përdorimin e flakadanëve dhe fishekzjarreve nga ana e protestuesëve. Aktualisht e gjithë ngjarja është duke u zhvilluar në kryeqytet ku sot raportohet se janë mbeldhur më shumë se 800 mijë njerëz, numri më i lartë deri më tani, në shenjë revolte kundër reformës së qeverisë për rritjen e moshës për daljen në pension.
Sot Presidenti Emmanuel Macron u është bashkuar liderëve të Bashkimit Evropian në Bruksel, për samitin e marsit. Francezët po protestojnë kundër reformës së pensioneve të miratuar nga qeveria “Macron”. Nisur nga muaji prill, francezët do të dalin në pension në moshën 64-vjeçare dhe jo 62 siç ishte më parë.
