Ish-drejtuesi i policisë Arben Hajdarmataj tha në “Now me Erla Mëhillin” se “kokat e krimit” në Kolumbi kanë një garanci për të sjellë kokainë në vendin tonë.
Sipas tij sasia më e madhe e drogës po qarkullon në 5 vitet e fundit.
“Arritja te kokat, unë mendoj se është e vështirë për shumë arsye sepse sot gjithë paraja e madhe e lëvizjes së lëndës narkotike është e futur në ekonominë shqiptare, kryesisht në ndërtim. Mjafton që ne që jemi në këtë studio të kemi mundësi të verifikojmë 20 pallate që po ndërtohen dhe të gjithë dalin me humbje,” – u shpreh Hajdarmataj.
Sipas tij që tonelata të tëra kokainë të vijnë nga Kolumbia kërkon garanci dhe kjo garanci i është dhënë trafikut të drogës në Shqipëri.
