Djegia e makinës gjatë natës, në zonën e Alliasit në Tiranë ka tronditur banorët e zonës, ndërsa detaje të reja kanë dalë në dritë.
Më herët u raportua se makina ishte djegur për shkaqe xhelozie, nga lidhja që kishte pronari i mjetit me një femër.
Sipas grupit hetimor pronari i automjetit ka pasur konflikte me ish-të dashurën e tij.
Por kjo pistë është rrëzuar pasi pronari i mjetit ka shprehur dyshime se autori i ngjarjes mund të jetë edhe një familjar i afërt (burri i tezes), pasi ka pasur konflikte edhe me këtë të fundit.
Autori i këtij akti nuk është arrestuar ende, ndërkohë grupi hetimor vijon punën për dokumentimin e plotë të kësaj ngjarjeje
