Një 38 vjeçar, banues në fshatin Dishnicë, Korçë, është shpallur në ëkrkim nga policia pasi ka dhunuar ish-bashkëjetuesen e tij.
Blutë bëjnë me dije se ngjarja ka ndodhur në ambientet e një lokali në Korçë, ndërsa motivet e dhunës nuk dihen ende.
Pas ngjarjes 38-vjeçari është arratisur dhe policia e ka shpallur në kërkim.
Njoftimi i Policisë:
Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin G. Ç ., 38 vjeç, banues në fshatin Dishnicë, Korçë, pasi dyshohet se në ambientet e një lokali, ka ushtruar dhunë ndaj ish-bashkëjetueses së tij. Materialet procedurale i kaluan prokurorive të rretheve gjyqësore Korçë e Pogradec, për veprime të mëtejshme.
