Kryetari i Partisë së Lirisë, Ilir Meta, është shprehur optimist sa I takon zgjedhjeve vendore qe do të mbahen me 14 maj.
Përmes një postimi në rrjete sociale Meta, shkruan se bizneset e vogla dhe të mesme nuk duhet të paguajnë taksa për shërbime që nuk i marrin.
Meta shton më tej se më 14 Maj, ndryshimi do të bëhet fakt i kryer dhe sipas tij, bashkë me gratë e vajzat punëtore e sipërmarrëse, opozita do të fitojë.
Reagimi i Metës:
Bizneset e vogla dhe të mesme nuk duhet dhe nuk do të paguajnë taksa për shërbime që nuk i marrin. Ky ishte mesazhi kryesor që na erdhi nga takimet me gra e vajza sipërmarrëse, që kanë bizneset e tyre në Njësinë nr. 9 në Tiranë.
Bashkë me gratë e vajzat punëtore e sipërmarrëse, ne do të fitojmë. Në 14 Maj, Ndryshimi do të bëhet fakt i kryer!
