Meçan Zotaj, ish-luftëtar i UÇK tha në një intervistë për Euronews Albania se që nga lufta e UÇK deri sot Shqipëria ka bërë shumë pak dhe shpesh ka bërë shumë keq ndaj Kosovës.
Zotaj tha se shkelmin më i madh që janë munduar tu japin jo vetëm Kosovës por gjithë kombit shqiptar është Open Balkan.
“Kosova ka një sistem më të zhvilluar elektoral për udhëheqësit, por në Shqipëri politikanët, më shumë e kanë dëmtuar Kosovën. Shkelmi më i madh që janë munduar t’i japin Kosovës është Open Balkan. Goditjet që i ka marrë Kosova në takime në vendet të ndryshe, kritikat deri sa Serbia u bë faktor stabilizues në Ballkan, ndërsa Kosova si vend me komplekse. Këto janë goditje që lënë gjurmë në opinionin ndërkombëtar”, tha Zotaj.
Open Balkan është një iniciativë e Edi Ramës dhe mikut të rij serb, Aleksandër Vuçiç dhe jo pak herë është kritikuar nga Kosova që nuk ka pranuar këtë marrëveshje e cila i vjen për shtat Serbisë.
