Nënkryetari i Partisë së Lirisë, Endrit Braimllari ka denoncuar gjendjen skandaloze në të cilën ndodhet rruga në njësinë Zall Bastar në Mnerin e Sipërm.
Me anë të një postimi në rrjetet sociale, Braimllari akuzon Erion Veliajn se e ka kthyer Bashkinë e Tiranës në një institucion fasadë dhe thekson se në fokus ka vetëm propagandën, hajdutërinë dhe gjobat ndaj qytetarëve.
Reagimi i plotë nga Braimllari:
“Erion Veliaj e ka kthyer Bashkinë e Tiranës në një institucion fasadë.
Realiteti është krejt ndryshe.
Kjo është gjendja e rrugës në njësinë Zall Bastar në Mnerin e Sipërm ku banorët në mënyrë vullnetare me të ardhurat e tyre kryejnë shërbimet publike sepse bashkia e drejtuar nga Erion Veliaj nuk i ka në fokus.
Fokusi i kryetarit në ikje të Bashkisë së Tiranës është propaganda, hajdutëria dhe gjobat ndaj qytetarëve.
Prandaj në 14 maj të bëhemi të gjithë bashkë për t’ja rikthyer Bashkinë e Tiranës qytetarëve.
Votoni në 14 maj koalicionin ‘Bashkë Fitojmë’, për ndryshimin me çdo çmim! #ndryshimmecdocmim”, shkruan Braimllari teksa poston foton me poshte.
