Në fjalën e tij në Kuvend kryeministri Edi Rama nuk i ka kursyer batutat kur tha se Lulzim Bashës ja ka falur Sali Berisha partinë, por sipas tij, kryedemokrati mendon se partia është lodër.
“Lulzim hajde merr fjalën këtu dhe bëhu serioz se je kryetar i PD. Duam s’duam ne ty lodrën ta fali Saliu. Po ti nuk ja di kuptimin dhe vlerën kësaj lodre po taksirat i Dash Shehit dhe Florjon Mimës thuaj që të rregullojnë lodrën kur prishet. Kur ju thosha se do vijë FBI nuk më besonit. Pa merak se do kapen peshqit e mëdhenj, por lutuni mos ju kapë zgara”- tha Rama.
I menjëhershme ka qenë reagimi i Bashës, i cili është ngjitur sërish në foltorje, i cili tha se Rama përdor fjalë prej horri ndaj opozitës.
“Pse përdor fjalor horri me opozitën?! Ti flet këtu dhe peshqit po prishin gardhin. Peshqit janë kapur, po presin të dalë peshkarexha në breg. Që në 2005 ke qenë në sistem (Rama). Ai ka qenë kryebashkiak bashkie, dhe deri në 2011 i la shenjat e veta në Tiranë, shihni tek Komuna e Parisit. Një grope ia mbulova unë. Tani vjen dhe përmend emrat e biznesmenëve dhe thotë se janë themelues të PD dhe sponsorizua të PD. Por janë gënjeshtra. Si nuk fole për Habilajt ti?! Nëse pastrojnë paratë e drogës duhet ë kenë negociojë për avokat.
Basha s’ka bërë kurrë pakte me oligarkët. Tenderat i beje ti. Unë kam kursyer 6 për qind të tenderave. Javën e kaluar gjermanët ta kujtuan dhe shprehën habinë se si mund të kalosh ti nga A tek XH. Në mendjen e tyre nuk është thjesht çështja e fazave që duhet të kalojë trajtimi i mbetjeve në vend. Merri dokumentet e qeverisë tende dhe shikoji. Dhe më thuaj pse tre inceneratoret kanë të njëjtin pronar. Me të tjerat je bërë bajat. Ti nuk fshihesh dot as pas Skifterit, as pas Habiljave, as Balilit. Ti je kryeministri.”, tha Basha.
