Kandidati demokrat për kryetar bashkie,Luçiano Boçi, ka publikuar ditën e sotme disa foto nga gjendja aktuale e rrugëve në lagjet e Elbasanit.
Përmes një postimi në rrjete sociale, Boçi ka publikuar pamje të rrugëve me pellgje uji dhe balte, teksa shkruan: “T’i përgjigjemi propagandës me të vërteta!”
Postimi i plotë:
T’i përgjigjemi propagandës me të vërteta!
Ka pak për të thënë përballë asaj që banorët shohin çdo ditë në rrugët e Elbasanit. Propaganda po punon me xhiro të shpejta, për të mbuluar atë që i është bërë qytetit në këto 16 vite!
Por qytetarët e Elbasanit nuk jetojnë në filmat me metrazh të shkurtër që shfaqen në rrjetet sociale të Aktivistit të bashkisë, ata përballen dhe kalojnë çdo ditë në këto rrugë!
