Shqiptari Migen Elezi, shpërndarës droge i dëbuar më parë nga Britania u kap duke rritur më shumë se 100 bimë në një shtëpi në Southampton me vlerë deri në 66,000 £.
Një oficer tha se panë Elezin duke vëzhguar nga çatia. Më pas 42-vjeçari zbriti dhe u hodh duke thyer kyçin e dorës dhe më pas u përpoq të vraponte.
Por policia e ndoqi dhe ai u kap dhe u arrestua, ndërsa efektivët u futën më pas në banesë. Gjashtë dhoma po përdoreshin për rritjen e kanabisit me ventilim, ndërkohë u sekuestruan edhe plumba me fuqi të lartë si dhe kimikate.
Elezi, i cili më parë ishte burgosur dhe deportuar për trafik droge në rrugët e Brighton, pranoi se prodhonte një drogë të klasit B.
Avokatja e tij Keeley Harvey tha: Është mjaft e qartë se ky është një njeri që është shfrytëzuar për të paguar një borxh.
Sakaq, Elezi u dënua me 16 muaj burg. Gjykatësi e paralajmëroi atë se dënimet e tij do të bëhen “gjithnjë e më të mëdha” nëse nuk “heq dorë”.
