Vllaznia dhe Liridon Latifi tashmë mund të cilësohen “të ndarë në shtëpi”.
Sulmuesi është lënë jashtë listës nga klubi kuqeblu për sfidën ndaj Partizanit.
Futbollisti sot nuk është as në stolin e rezervave për këtë ndeshje, pasi klubi ka marrë masë disiplinore kundër tij pas situatës së krijuar në ndeshjen e fundit në kampionat ndaj Teutës.
Latifi u raportua se kishte refuzuar të aktivizohej në këtë ndeshje nga trajneri Josa në fraksionin e dytë të lojës në shenjë proteste.
Ai raportohet se ka qenë i pakënaqur për faktin se nuk ka qenë titullar në Durrës ndaj ka refuzuar kërkesën e teknikut për të luajtur në pjesën e dytë të ndeshjes.
Situata e krijuar me një prej lojtarëve më të talentuar të klubit shkodran vjen ndoshta në momentin më të papërshtatshëm, pasi në ndeshjet e ardhshme do të vendoset fati i sezonit të kuqebluve.
