Aktorja e njohur turke, Cansu Dere, u raportua e zhdukur pas tërmetit shkatërrimtar që goditi Turqinë e Sirinë.
E njohur nga publiku shqiptar si Ejshani e cila ka luajtur në serialin “Ezel”, aktorja u pa duke asistuar në një qendër për shpërndarjen e ndihmave për personat e prekur nga tërmeti. Por, duke qenë se videoja që qarkulloi nuk ishte e qartë, sërish kishte pikëpyetje në lidhje me gjendjen e saj.
Së fundmi, vetë aktorja ka kontaktuar me mediat dhe ka treguar se nuk ishte në publik pasi po qëndronte në shtëpi.
“Nuk ishte qëllimi im të shqetësoja dhe të trembja askënd. Unë nuk jam dikush që përdor shumë rrjetet sociale. Instagrami më shërben si një album ku ndaj momentet e mia të lumtura”, tha Jansu Dere për CNN Turk.
Kujtojmë që Cansu Dere është një nga figurat e serialeve turke më të dashura edhe në Shqipëri. Ajo fitoi zemrat e të gjithëve me rolin e saj në serialet si “Bija ime”, apo “Nënë”.
