Ndeshja e Seria B, Perugia-Reggina që ishte planifikuar për t’u luajtur këtë të shtunë, është shtyrë për një datë të pacaktuar për shkak të tërmeteve që tronditën të enjten Umbria-n.
Autoritetet lokale kanë vendosur të shtyjnë ndeshjen si masë paraprake, pasi nuk kishte kohë për kontrollet e nevojshme teknike përsa i përket sigurisë dhe mundësia për të luajtur me dyer të mbyllura nuk u mor fare në konsideratë.
Pas tërmeteve të forta që goditën këtë rajon, prefektura e Umbria vendosi të shtyjë ndeshjen e cila duhej të luhej në orën 14:00 të së shtunës në Curi.
Pikërisht kushtet e stadiumit, i cili tashmë po i afrohet gjysmë shekulli jetë (u ndërtua në verën e vitit 1975 pasi Umbrianët u ngjitën në Serinë A) çuan në shtyrjen e ndeshjes.
